पृथ्वीच्या गर्भापर्यंत गेलेला रस्ता... त्यावरून अप टू इनफिनिटी डुगडुगत जाणारी बुलेट. कानावर रुमाल, डोळ्यावर गॉगल, पावसापाण्याचं जँकेट आणि बुलेटशी वेवलेंथ जुळलेलं पॉझिटिव्ह माईंड... पाठीवरल्या ट्रेकिंग सँगमध्ये आख्खं ब्रम्हांड.
- - - -
जालना ते बुलडाणा जिल्ह्यातील रात्री चा प्रवास लाजिरवाना होता. अंधार पडायला लागला की टमरेल / चिंपाट / डबडं घेवून स्रियांची रस्त्याच्या कडेला शौच्चास बसायची लगबग. अंधार वाढत जाईल तशी गावशिवारांच्या आसपास ही परिस्थिती वाढत जाते. मग बुलेटच्या एक्स्ट्रा हेवी लाईटची माझी मलाच लाज वाटायची. त्या बसलेल्या असायच्या सराईतपणे तशाच... मलाच लाईट बंद करून गाडी चालवावी वाटायची इनफिनिटीपर्यंत...
- - - -
जालना ते बुलडाणा जिल्ह्यातील रात्री चा प्रवास लाजिरवाना होता. अंधार पडायला लागला की टमरेल / चिंपाट / डबडं घेवून स्रियांची रस्त्याच्या कडेला शौच्चास बसायची लगबग. अंधार वाढत जाईल तशी गावशिवारांच्या आसपास ही परिस्थिती वाढत जाते. मग बुलेटच्या एक्स्ट्रा हेवी लाईटची माझी मलाच लाज वाटायची. त्या बसलेल्या असायच्या सराईतपणे तशाच... मलाच लाईट बंद करून गाडी चालवावी वाटायची इनफिनिटीपर्यंत...
लोणारमध्ये भर दिवसा कडाक्याच्या उन्हात गल्लीबोळातून फिरताना तर हे चित्र अधिकच बिकट, बाया घरातली चिल्लीपिल्ली रस्त्याकडंला आखरवायला घेवून आलेल्या. हागत्या पोराकडं जरा दुर्लक्ष करून मला वाटं लावायच्या आणि मग निवांत पिलावळ सांभाळायच्या... हे खरंच थोर आहे.
- - - -
किनगाव राजा च्या पुढून लोणार ला जायला दोन रस्ते आहेत. एक लिंगा मार्गे शॉर्टकट व दुसरा सुलतानपूर मार्गे बराच लांबचा ववंडा... अंधार पडल्यावर प्रत्येकजण आतल्या रस्त्यानं जावू नका, सुलतानपूरहून जा असं आग्रही सांगू लागला. अगदी माझा लोणारमधील दोस्ताचंही तेच पालूपद... एक जण म्हणाला बुलेट आहे म्हणल्यावर कोण काय करत नाय, आवाजानंच बाजूला पळत्याल. मला उलगडा झाला नाही, पण ती वेळही नव्हती गुंता सोडवायची. सुलतानपूर जिंदाबाद.
- - - -
लोकांना अज्ञान प्रकट करायची खुप घाई असते. ही घाई वाटसरुंना खुळं करून टाकते. मी अनोळखी ठिकाणी बाय ऑल मिन्स रुट फिक्स केलेला असतो. पण कधीकधी स्थानिक मंडळींवर विश्वास टाकावा लागतो. टाकला आणि सिर्सी वरून सरळ भिवापूरला जाण्याऐवजी वर उमरेडला जावून पुन्हा खाली भिवापूरला आलो... मँपवर २० किलोमिटर जास्त भरलं तरी खराब रस्त्यामुळं ऐन दिवेलागणीच्या वेळचा फुल मोसममधला एक तास जास्त खाल्ला त्यानं. मग भिवापूरपासून गडचिरोलीपर्यंत धुराड्यात डोळ्यांची खाचाडं झाली.
- - - -
नद नद्या नाले झाडं झुडपं जनावरांना पोटात घालून खदखदा वाहिल्यानंतर गेल्या आठवडाभरात गडचिरोली शांत झालीये. पूर्वपदावर आलीये. कडक ऊन पडलंय आणि दुरुस्तीच्या रस्त्यांवर फुफाट्याचं साम्राज्य उधळतंय.
- - - -
किनगाव राजा च्या पुढून लोणार ला जायला दोन रस्ते आहेत. एक लिंगा मार्गे शॉर्टकट व दुसरा सुलतानपूर मार्गे बराच लांबचा ववंडा... अंधार पडल्यावर प्रत्येकजण आतल्या रस्त्यानं जावू नका, सुलतानपूरहून जा असं आग्रही सांगू लागला. अगदी माझा लोणारमधील दोस्ताचंही तेच पालूपद... एक जण म्हणाला बुलेट आहे म्हणल्यावर कोण काय करत नाय, आवाजानंच बाजूला पळत्याल. मला उलगडा झाला नाही, पण ती वेळही नव्हती गुंता सोडवायची. सुलतानपूर जिंदाबाद.
- - - -
लोकांना अज्ञान प्रकट करायची खुप घाई असते. ही घाई वाटसरुंना खुळं करून टाकते. मी अनोळखी ठिकाणी बाय ऑल मिन्स रुट फिक्स केलेला असतो. पण कधीकधी स्थानिक मंडळींवर विश्वास टाकावा लागतो. टाकला आणि सिर्सी वरून सरळ भिवापूरला जाण्याऐवजी वर उमरेडला जावून पुन्हा खाली भिवापूरला आलो... मँपवर २० किलोमिटर जास्त भरलं तरी खराब रस्त्यामुळं ऐन दिवेलागणीच्या वेळचा फुल मोसममधला एक तास जास्त खाल्ला त्यानं. मग भिवापूरपासून गडचिरोलीपर्यंत धुराड्यात डोळ्यांची खाचाडं झाली.
- - - -
नद नद्या नाले झाडं झुडपं जनावरांना पोटात घालून खदखदा वाहिल्यानंतर गेल्या आठवडाभरात गडचिरोली शांत झालीये. पूर्वपदावर आलीये. कडक ऊन पडलंय आणि दुरुस्तीच्या रस्त्यांवर फुफाट्याचं साम्राज्य उधळतंय.
मावळतीनंतर काही क्षणात घनगर्द झालेल्या आभाळात चंद्र दोनचार चांदण्यांना हाताशी धरून गणाला उभा राहीला. अाज गणाला रणी आणिला.... पठ्ठेबापुराव सुरू झाले. मग हळू हळू एकेक तारा फेट्याचा तुरा सावरत गणात घसा खाकरू लागला. चांदण्या गवळणींची लगबग चाललेली. मथूरेच्या विमानांचा तप्पास नव्हता नभांगणात, पण गवळणी नटलेल्या नव्या नवरीसारख्या. वर हा सर्व साग्रसंगित सोहळा सुरू असताना खाली रस्त्याच्या दुतर्फा भात खाचरं कनातीच्या प्रकाशात प्रेक्षक म्हणून आपलं अस्तित्व दावत होती. वेडी पाखरं मध्येच एखादी शिळ घालायची अन् त्या शिळेवर एखादी अल्लड चांदणी गवळण जीव ओवाळून टाकायची... बुलेट धुडधुडत होती इनफिनिटीपर्यंत...
No comments:
Post a Comment